ரஜினியின் 'சிவாஜி' படம் '3டி' தொழில் நுட்பத்தில் உருவாகிறது. வடபழனியில் உள்ள ஸ்டூடியோக்களில் தொழில்நுட்ப நிபுணர்களை வைத்து இதற்கான பணிகள் நடக்கின்றன.
ஹாலிவுட் படங்கள் 3டியில் ரிலீசாகி வருகின்றன. தமிழகத்தில் உள்ள பெரும்பான்மையான தியேட்டர்களில் 3டி படங்களை ரிலீஸ் செய்வதற்கான வசதிகள் செய்யப்பட்டு உள்ளன. இது மாதிரி படங்களுக்கு அமோக வரவேற்பு உள்ளது. குறிப்பாக குழந்தைகள் விரும்பி பார்க்கிறார்கள்.
எனவே தான் சிவாஜி படத்தை 3டி தொழில் நுட்பத்தில் மீண்டும் எடுக்கின்றனர். ஓரிரு மாதங்களில் இப்படம் ரிலீசாக உள்ளது.
கோச்சடையான் படம் டிசம்பர் மாதம் வெளியாகும் என தெரிகிறது. அதற்கு முன்பு 3டி சிவாஜி படத்தை திரைக்கு கொண்டு வர ஏற்பாடுகள் நடக்கின்றன. சிவாஜி படத்தில் ரஜினி, ஸ்ரேயா ஜோடியாக நடித்தனர். ஷங்கர் இயக்கினார். ஏ.வி.எம். நிறுவனம் தயாரித்தது. கடந்த 2007 ஜூன் 15-ல் இப்படம் வெளியானது.ரூ. 60 கோடி பட்ஜெட்டில் தயாரித்தனர். ரூ. 128 கோடி வசூல் ஈட்டியதாக கூறப்பட்டது.
பணக்காரர்கள் பதுக்கிய கறுப்பு பணத்தை மீட்பதே இப்படத்தின் கதை. 'சஹானா', 'வாஜி வாஜி', பெல்லே லக்கா போன்ற இனிமையான பாடல்கள் இதில் உள்ளன.
No comments:
Post a Comment