அடுத்த தலைமுறை 'அக்னி நட்சத்திரம்'

மணிரத்னம் இயக்கத்தில் பிரபு, கார்த்திக் இணைந்து நடித்த படம் 'அக்னி நட்சத்திரம்'. பெரும் வரவேற்பை பெற்ற இப்படத்திற்கு இளையராஜா இசையமைத்து இருந்தார்.

'அக்னி நட்சத்திரம்' படத்தின் ரீமேக் உரிமையை பாலாஜி ரியல் மீடியா வாங்கி இருக்கிறது. பிரபு, கார்த்திக் வேடங்களில் நடிக்க முன்னணி நட்சத்திரங்களிடம் பேச்சு வார்த்தை நடத்தி வருவதாக அறிவித்தது.

தற்போது இப்படத்தின் ரீமேக்கில் பிரபுவின் மகன் விக்ரம்பிரபு, கார்த்திக்கின் மகன் கௌதம் இருவரும் நடிக்க இருக்கிறார்கள் என தகவல் வெளியாகியிருக்கிறது. படத்தினை இயக்க தரணியிடம் பேச்சு வார்த்தை நடத்தி வருகிறார்கள்.

விரைவில் இதற்கான முறையான அறிவிப்பு வெளிவரும்.