Saturday 11 August 2012

சரத்குமாரின் சூரியன் பட ரீமேக்கில் மகள் வரலட்சுமி.




சரத்குமார், ரோஜா நடித்து 1992ம் ஆண்டு வெளிவந்த படம் சூரியன். இதனை கே.டி.குஞ்சுமோன் தயாரித்திருந்தார். பவித்ரன் இயக்கி இருந்தார். இந்தப் படத்தில்தான் முதன் முதலாக பிரபுதேவா ஒரு நடன கலைஞராக அறிமுகமாயிருந்தார்.

இதில் சரத்குமார் முதன் முறையாக மொட்டை அடித்து நடித்திருந்தார். சரத்குமாரின் வெள்ளி விழா படங்களில் இதுவும் ஒன்று. தேவா இசை அமைத்திருந்தார். படத்தைப் போலவே பாடல்களும் பெரிய ஹிட்டானது. இதனை தற்போது ரீமேக் செய்யும் முயற்சியில் இறங்கி இருக்கிறார் இயக்குனர் பவித்ரன்.
தமிழ், இந்தி மொழிகளில் ரீமேக் செய்து கொள்ள தயாரிப்பாளர் கே.டி.குஞ்சுமோனிடம் அனுமதி பெற்றுள்ளார். தமிழில் சரத்குமார் நடித்த கேரக்டரில் விஷாலும், ரோஜா கேரக்டரில் சரத்குமார் மகள் வரலட்சுமியையும் நடிக்க வைக்க முயற்சி நடந்து வருகிறது.

இந்தியில் சாருக்கான் அல்லது சல்மான்கான் நடிக்கலாம் என்று கூறப்படுகிறது. இன்றைய சூழ்நிலைக்கேற்ப கதையில் சில மாற்றங்கள் செய்து பிரமாண்டமாக தயாரிக்க பவித்ரன் முடிவு செய்துள்ளார். பவித்ரனை நம்பி பல கோடிகளை செலவு செய்ய தயாரிப்பாளர் யாராவது முன்வந்தால் மட்டுமே இந்த முயற்சி சாத்தியம் என்றும் கூறப்படுகிறது.

No comments:

Post a Comment