Monday 27 August 2012

பணம் வாங்காமல் நடித்தார் அஜீத்!



     நடிகர் அஜீத் தற்போது நடித்துக்கொண்டிருக்கும் விஷ்ணுவர்தன் படத்திற்காக அதிக நேரத்தை ஜிம்மில் செலவிடுகிறார். இதற்கிடையே அஜீத் நடிகை ஸ்ரீதேவி நடித்துக்கொண்டிருக்கும் ‘இங்கிலீஷ் விங்கிலீஷ்’ படத்தில் சிறப்புத் தோற்றத்தில் நடிக்கிறார் என்ற செய்தி உலா வந்தது.
  அந்த செய்தியை உண்மையாக்கும் வகையில் அஜீத் மும்பை சென்று இங்கிலீஷ் விங்கிலீஷ் படத்தின் ஷூட்டிங்கில் கலந்து நடித்துக் கொடுத்துவிட்டு வந்திருக்கிறார். அஜீத்தின் இந்த மும்பை விசிட் அவருக்கு ஒரு நட்சத்திர ரசிகரை கொடுத்துள்ளது. அந்த ரசிகர் ஸ்ரீதேவியின் கணவர் போனி கபூர் தான்.
இந்த ஷூட்டிங்கிற்காக மும்பை சென்ற அஜீத் ஒரு ரூபாய் கூட படக்குழுவிடமிருந்து வாங்கவில்லை. விமான செலவு, தங்கும் செலவு என அனைத்தையும் தனது சொந்த செலவிலேயே செய்து கொண்ட அஜீத் அந்த படத்தில் நடிப்பதற்காகக் கூட எந்த பணமும் வாங்கவில்லையாம்.

அஜீத்தின் இந்த நல்ல குணத்தைப் பார்த்ததும் ஸ்ரீதேவியின் கணவர் போனி கபூர் அஜீத்தின் ரசிகராகிவிட்டிருக்கிறார். அஜீத்தின் கட்டுமஸ்தான உடலை விஷ்ணுவர்தன் படத்தில் பார்ப்பதற்கு முன்னரே ஸ்ரீதேவி நடிக்கும் படத்தில் பார்க்கும் வாய்ப்பு ரசிகர்களுக்கு கிடைத்துள்ளது.

No comments:

Post a Comment