Thursday, 30 August 2012

ஹாலிவுட்டுக்கு முன் காமெடி. கமலின் புதிய திட்டம்.




கமலின் அடுத்தப்படம் ஹாலிவுட்டுக்குதான் என்று ஊரே உருமியடித்துக் கொண்டிருக்க, சைலண்ட்டாக ஒரு சிரிப்பு சப்தம் கேட்டுக் கொண்டிருக்கிறது மைலாப்பூர் பக்கம்.

ஹாலிவுட் படம் என்றால் அதற்கான காலமும் நேரமும் டாலர்களும் 'பெரிதினும் பெரிது கேள்' சமாச்சாரமாகிவிடும். இதையெல்லாம் நன்கு புரிந்து வைத்திருக்கும் கமல், அந்த ஹாலிவுட் படத்தை துவங்குவதற்கு முன் ஒரு காமெடி படத்தை தயாரித்து இயக்கிவிட்டால் என்ன என்று யோசிக்கிறாராம்.

கமல் சிரிக்கிறார் என்றால் அவருக்கு இரவல் பல்லாக இருப்பவர் கிரேஸி மோகன் அல்லவா? இப்போதெல்லாம் கமல் வீட்டில் கிரேஸியும், கிரேஸி வீட்டில் கமலும் அதிகமாக நடமாட ஆரம்பித்திருக்கிறார்கள். பேசிக் கொண்டே நடக்கிறார்கள். நடந்து கொண்டே சிரிக்கிறார்கள். சிரித்துக் கொண்டே எழுதுகிறார்கள்.

இந்த இருவர் கூட்டணி மீண்டும் ஒரு மெகா ஹிட் காமெடி படத்தை உருவாக்கப் போகும் முயற்சியில் இருப்பதாக தகவல். வாய் விட்டு சிரிச்சா வயிறு கெட்டுப் போகும்னு நினைக்கிற யாரா இருந்தாலும் இந்த செய்தியை புறக்கணிக்கலாம்.

No comments:

Post a Comment