ஜிம்மில் தவமிருக்கும் நமீதா

வட மாநிலத்தை சேர்ந்தவரான நமீதா. தமிழ் சினிமாவில் ஹீரோயினாக அறிமுகமானார். தேர்ந்த நடிகையாக இல்லாவிட்டாலும் தனது மொழு மொழு உடல் அமைப்பு, மற்றும் தாராள கவர்ச்சியால் ரசிகர்களை கவர்ந்தார். மச்சான் என்று ரசிகர்களை அழைத்து கிரங்க வைத்தார். இங்கிலீஸ்காரன் என்ற மெசேஜ் சொல்லும் படத்திலும் சரி, ஜெகன் மோகினி என்ற மாயாஜாலப் படத்திலும் சரி, பில்லா என்ற கமர்ஷியல் படத்திலும் சரி இவரது கவர்ச்சிதான் மேலோங்கி நின்றது. பார்த்திபன் இயக்கத்தில் உருவான பச்சக்குதிரை படத்தில் மட்டும் கொஞ்சம் நடிக்க முயற்சித்தார். அந்தப் படமும் வெற்றி பெறவில்லை.

ஒரு கட்டத்தில் பட வாய்ப்புகள் குறைந்தபோது மும்பைக்குச் சென்று சிறப்பு ஏற்பாடுகள் செய்து விதவிதமாக கவர்ச்சி படங்களை எடுத்து வந்து இணைய தளத்தில் உலவவிட்டார். இது இணையதளத்தில் அதிகம் பதிவிறக்கம் செய்யப்பட்டு. நம்பர் ஒண் இணைய தள தேடுதல் நடிகையானார். தொலைக்காட்சிகளில் தொல்லை தமிழ் பேசி நடனமே ஆடத் தெரியாத நமீதா நடன கலைஞர்களுக்கு மார்க் போட்டு கொஞ்ச காலத்தை ஓட்டினார். இதற்கிடையில் தன் நண்பருடன் இணைந்து ரியல் எஸ்டேட் பிசினசை நடத்தினார். அதோடு சில ரியல் எஸ்டேட் கம்பெனிகளுக்கு விளம்பர அம்பாசிடரானார்.

நடிக்க வாய்ப்பு இல்லாவிட்டாலும் தமிழ் நாடு முழுவதும் சுற்றுப் பயணம் செய்து ஜவுளிக்கடை, நகைக்கடை மட்டுமல்ல ஈமு கோழிப் பண்ணையும் திறந்து வைத்து பேங் பேலன்ஸ் குறையாமல் பார்த்துக் கொண்டார். இப்போது எல்லாமே டல்லடிக்க மீண்டும் நடிக்க என்ன செய்யலாம் என்று யோசித்தார்.

இந்தியில் தயாரான சில்க்கின் வாழ்க்கையை மையமாக கொண்ட தி டர்ட்டி பிக்சர்ஸ் தமிழ், தெலுங்கில் தயராக போவதை அறிந்து நான் சில்க்காக நடிக்க தயார் என்று வாலண்டரியா அறிவித்தார். ஆசைப்பட்டால் போதுமா சில்க் மாதிரி ஸ்லிம் உடம்பு வேண்டாமா என்ற கேள்வி எழந்தது. அதனால் இப்போது உடம்பை குறைக்க ஜிம்மே கதியென்று கிடக்கிறார். அளவுக்கு அதிகமாக எடைகூடிவிட்ட நிலையில் இனி ஸ்லிம்மானால்தான் சினிமாவில் இருக்க என்று முடிவு செய்து ஒரு நாளைக்கு பத்து மணி நேரம் வரை ஜிம்மில் இருக்கிறார். தனது பேவரைட் உணவுகளை குறைத்து டயட்டீஷியன் சொல்லும் உணவை மட்டுமே உண்கிறார். ஸ்லிம் நமீதாவை பார்க்க மச்சான்ஸ் எல்லாம் ஆர்வமாக இருக்கிறார்கள்.