'முகமூடி' படத்தினைத் தொடர்ந்து விஜய் - விக்ரம் இணைப்பில் உருவாகியுள்ள 'தாண்டவம்' படத்தினை யு.டிவி நிறுவனம் தயாரித்து இருக்கிறது. செப்டம்பர் 28-ம் தேதி உலகம் முழுக்க 1000 அரங்குகளில் வெளியாகிறது 'தாண்டவம்'. தெலுங்கில் 'சிவதாண்டவம்' என்ற பெயரில் அதே நாளில் வெளியாகிறது.
விக்ரமுடன், அனுஷ்கா, ஏமி ஜாக்சன், ஜெகபதிபாபு நடித்துள்ள இப்படத்தினை பார்த்த சென்சார் அதிகாரிகள், U சான்றிதழ் அளித்து இருக்கிறார்கள்.
இப்படத்திற்கு ஜி.வி.பிரகாஷ் இசையமைத்து இருக்கிறார். நீரவ் ஷா ஒளிப்பதிவு செய்துள்ளார்.
லண்டனில் அதிக நாட்கள் ஷூட்டிங் நடந்த தமிழ்ப் படம் என்ற பெருமையைக் கொண்டது 'தாண்டவம்'. சென்சார் அதிகாரிகள் எந்த ஒரு காட்சியிலும் கட் செய்யாமல், U சான்றிதழ் அளித்து இருக்கிறார்கள்.
விஜய் இதுவரை இயக்கி வெளிவந்த 'கிரீடம்', 'பொய் சொல்ல போறோம்', 'மதராசப்பட்டினம்', 'தெய்வத்திருமகள்' ஆகிய படங்களும் U சான்றிதழ் வாங்கி இருப்பது குறிப்பிடத்தக்கது. இயக்குனர் விஜய், அனைவரும் பார்க்கக் கூடிய வகையில் இப்படி U சான்றிதழ் படங்களை இயக்கவே விரும்புகிறாராம்.
No comments:
Post a Comment