காபி ஷாப்பில் பூக்கும் கொஞ்சம் காபி, கொஞ்சம் காதல்

இந்த படத்தின் பெயரே, வித்தியாசமாக இருக்கும்போது, கதையும் வித்தியாசமாகத் தானே இருக்கும். இன்றைய இளைய தலைமுறையின், ஒவ்வொரு அசைவுகளையும், பிலிம் ரோலில் "சூட் செய்து, "கொஞ்சம் காபி, கொஞ்சம் காதல் படத்தை, ரசிகர்களின் கண்களுக்கு விருந்தாக அளித்துள்ளனர். "பாம்பே படத்தில், குழந்தை நட்சத்திரமாக அறிமுகமான, ஹிருதயராஜ் தான், இந்த படத்தின் ஹீரோ. அதிதி என்பவர், ஹீரோயினாக நடித்துள்ளார். குறும் படங்கள், ஆவணப் படங்கள், விளம்பர படங்களை இயக்கிய அனுபவமுள்ள வெங்கி, இந்த படத்தை இயக்கியுள்ளார். பனி கல்யாண் என்பவர், இசை அமைத்துள்ளார். "காபி ஷாப்பில் பூக்கும் அழகான காதலை, ரசனையுடன் விவரிக்கும் இந்த படம், நிச்சயம், வெற்றி பெறும் என, பெருமிதத்துடன் கூறுகிறார், இயக்குனர் வெங்கி. இந்த வார இறுதியில் படம் வெளியாகிறது.