அஜித் ஜோடிக்கு விரைவில் டும் டும் டும்!!

அஜித்துடன் பில்லா-2 படத்தில் நடித்த நடிகை ப்ரூனா அப்துல்லாவுக்கு விரைவில் திருமணம் நடைபெற உள்ளது. பிரேசில் நாட்டைச் சேர்ந்தவர் ப்ரூனா அப்துல்லா. விளம்பர மாடலாக இருந்து சினிமாவுக்கு வந்தவர். ப்ரூனா அப்துல்லா, வங்காள இளைஞர் ஒருவரை காதலிப்பதாக கிசுகிசுக்கள் பரவின. இந்த நிலையில் பில்லா-2 படத்தை முடித்து விட்டு குடும்பத்துடன் சொந்த நாட்டுக்கு திரும்பிய ப்ரூனா அப்துல்லாவுடன் காதலரும் சென்று இருப்பதாக தகவல் வெளியாகி உள்ளது. 3 ஆண்டுகளாக அந்த இளைஞரை ப்ரூனா காதலிப்பதாக கூறப்படுகிறது.

இதுபற்றி கேட்ட போதெல்லாம் ப்ரூனா கருத்து கூற மறுத்து வந்தார். தற்போது தனது மவுனத்தை கலைத்து, எனக்கும் வங்காள இளைஞருக்கும் திருமணம் நிச்சயிக்கப்பட உள்ளது என்று பேட்டியொன்றில் கூறியிருக்கிறார். விரைவில் அவர்கள் திருமணம் நடைபெறும் என எதிர்பார்க்கப்படுகிறது.