விஷால் நடிக்க இருக்கும் மத கஜா ராஜா (எம்.ஜி.ஆர்.,) படத்தில் ஒரு முக்கிய ரோலில் கிரிக்கெட் வீரர் சடகோபன் ரமேஷூம் ஒரு முக்கிய ரோலில் நடிக்க இருக்கிறார். கிரிக்கெட் வீரராக தனது வாழ்க்கையை தொடங்கி, முதல்தர மற்றும் சர்வதேச போட்டிகளில் விளையாடி அசத்தியவர் சடகோபன் ரமேஷ். பின்னர் சந்தோஷ் சுப்ரமணியன் படத்தில் ஜெயம் ரவிக்கு அண்ணனாக ஒரு சிறிய ரோலில் நடித்து பெயர் பெற்று, பின்னர் போட்டா போட்டி படத்தில் ஹீரோவாக களம் இறங்கி அசத்தினார். இந்நிலையில் கலகலப்பு படத்திற்கு பிறகு சுந்தர்.சி அடுத்து விஷாலை வைத்து இயக்க இருக்கும் மத கஜா ராஜா (எம்.ஜி.ஆர்.,) படத்தில் ஒரு முக்கிய ரோலில் சடகோபன் ரமேஷையும் நடிக்க வைக்க எண்ணியுள்ளார். போட்டா போட்டியில் ரமேஷின் நடிப்பை பார்த்து சுந்தர்.சிக்கு ரொம்ப பிடித்து போய்விட்டதால், இப்படத்தில் ஒரு வெயிட்டான ரோலில் அவருக்கு வாய்ப்பு கொடுக்க உள்ளார். மேலும் அவருக்கு ஜோடியாக வழக்கு எண் 18/9 படத்தில் ரித்திகா ஸ்ரீனிவாஸ் நடிக்க கூடும் என்று கூறப்படுகிறது.
விஷால் முதன்முறையாக மூன்று வேடங்களில் தோன்றவுள்ள இப்படத்தின் ஷூட்டிங் விரைவில் துவங்க இருக்கிறது.
No comments:
Post a Comment