வடிவேலு கால்ஷீட்டை முதல்ல பிளாக் பண்ணுங்க' என்பார் ரஜினி. ஏனென்றால் சூப்பர் ஸ்டார் படமாக இருந்தாலும், ரசிகர்களை சட்டென்று கவர்வது சிரிப்புதான்என்பது அவரது நம்பிக்கை. கமல் படத்தில் கிரேஸி மோகன் இருந்தால் போதும். வையாபுரி போன்ற மொக்கை பீஸ்களையும் கூட காமெடியனாக நம்புவது கமலின் தன்னம்பிக்கையா, அல்லது அறியாமையா என்பது அவரது ரசிகர்களின் சில வருட ஆராய்ச்சி.
கமல், ரஜினி வரிசையில் அடுத்ததாக நாம் பார்க்கும் ஹீரோக்களில் அஜீத்திற்கு முக்கியமான இடம் உண்டு. இவரை பொறுத்தவரை காமெடியையோ, காமெடியர்களையோ நினைத்து பெரிதாக அலட்டிக் கொள்கிற ரகம் இல்லை. அதெப்படி அவ்வளவு ஆணித்தரமாக சொல்ல முடிகிறது? அஜீத் நடித்த ஒரு படத்தில் யூகிசேது முழு காமெடியனாக நடித்திருந்ததை வைத்துதான். இவரது சிரிப்பு மூட்டும் அழகை கண்டு பிள்ளையார் கோவில் சுவற்றில் முட்டிக் கொண்டு அழுதார்கள் அஜீத் ரசிகர்கள்.
இந்த தொல்லையெல்லாம் எதற்கு என்று நினைத்தாரோ என்னவோ? விரைவில் வெளிவரப்போகும் பில்லா-2 ல் காமெடியே இல்லை. கதை முழு மாஃபியாவை பற்றியது. இதில் எதற்கு தேவையில்லாமல் காமெடியை நுழைக்க வேண்டும் என முடிவெடுத்தாராம் சக்ரிடோலட்டி.
யூகிசேது, ஒய்.ஜி.மகேந்திரன் மாதிரி வேல்டு பேமஸ் நடிகர்களை போட்டு இம்சிப்பதற்கு இது எவ்வளோ மேல்!
அஜித் நடித்த பில்லா-2 படம் ஜூலை 13ம் தேதி ரிலீஸ் ஆக இருப்பதாக படத்தின் தயாரிப்பாளர் சுனிர் கேட்டர்பால் அதிகாரப்பூர்வமாக அறிவித்து இருக்கிறார். அஜித், பார்வதி ஓமனக்குட்டன், ப்ரூனா அப்துல்லா நடிப்பில், சக்ரி டோல்ட்டி இயக்கத்தில், ஐ.என்.இ. இன்டர்நேஷனல் மற்றும் ஒய்டு ஆங்கிள் நிறுவனம் இணைந்து பிரம்மாண்டமான முறையில் தயாரித்துள்ள படம் பில்லா-2. இப்படம் முடிந்து மாதங்கள் சில ஆகிவிட்டன. கடந்த மே மாதமே ரிலீஸ் ஆக வேண்டிய இப்படம் தொடர்ந்து பல்வேறு பிரச்னைகளால் தள்ளிக்கொண்டு போனது. 
அழகிய தீயே, அபியும் நானும், பயணம் போன்ற படங்களை இயக்கிய ராதா மோகன், இப்போது டூயட் மூவிஸ் சார்பில் கெளரவம் என்ற புதிய படத்தை இன்று(25.06.12) துவக்கி இருக்கிறார். படத்தின் நாயகனாக அல்லு அர்ஜூனாவின் தம்பி அல்லு சிரிஷ் அறிமுகமாகிறார். அவருக்கு ஜோடியாக இந்தியில் விக்கி டோனர் படத்தில் நடித்த யாமி கவுதம் நடிக்கிறார். மேலும் ஒரு முக்கிய ரோலில் பிரகாஷ்ராஜூம் நடிக்கிறார். தமிழ் மற்றும் தெலுங்கு ஆகிய இரண்டு மொழியிலும் உருவாகும் இப்படம், வழக்கமான ராதாமோகன் படம் போன்று இல்லாமல் கொஞ்சம் மாறுபட்டு இருக்கும் என்று கூறப்படுகிறது. இன்று முதல் தொடர்ந்து மைசூரில் 35 நாட்களுக்கு படப்பிடிப்பு நடக்கிறது. அதனைத்தொடர்ந்து பல்வேறு இடங்களில் படப்பிடிப்பு நடக்கவுள்ளது. மதன்கார்கியின் பாடல் வரிகளுக்கு தமன் இசையமைக்கிறார். ப்ரீதா ஒளிப்பதிவு செய்கிறார். 
தமிழ், தெலுங்கு, இந்தி என பிஸியாக இருக்கும் அர்ஜூன் தற்போது மணிரத்னத்தின் கடல், வஸந்தின் மூன்று பேர் மூன்று காதல், வனயுத்தம், தெலுங்கில் ஒரு படம், இந்தியில் ஒரு படம் என அடுத்தடுத்து படங்களில் பிஸியாக நடித்து வருகிறார். தனது சினிமா வாழ்க்கை குறித்து அவர் அளித்துள்ள பேட்டியில், நான் எப்போதுமே பரபரப்பாகத்தான் இருக்கிறேன். இந்த சினிமாவுக்குள் வந்து முப்பது வருஷம் ஆகி விட்டது. வெற்றி, தோல்வி என எல்லாம் சரி சமமாக பார்த்தாகி விட்டது. வெற்றியை தலையில் ஏற்றிக் கொள்ளவில்லை. தோல்வியில் துவண்டு விடவும் இல்லை. அப்படியேதான் இருக்கிறேன். நான் எப்போதுமே ஒரே மாதிரிதான் இருப்பேன். அதனால்தான் தொடர்ந்து இந்த சினிமாவில் இருக்க முடிகிறது. என்னுடன் வந்தவர்களில் நிறைய பேரை இங்கே பார்க்க முடியவில்லை. சில பேர் இருக்காங்க. அவ்வளவுதான். இப்போது நடிக்கிற படங்கள் எல்லாமே பிடித்திருக்கிறது. அர்ஜூனுக்கு ஏற்ற கேரக்டர்கள் இப்போதுதான் நிறைய வர ஆரம்பித்திருக்கின்றன. ஒரு விஷயம்... முன்பை விட சினிமா ரொம்பவே பிடித்திருக்கிறது. அதனால் சினிமாவுக்கும் என்னைப் பிடித்திருக்கிறது, என்று கூறியுள்ளார்.