நீது சந்திரா வெளிநாடு போனதால் ‘ஆதிபகவன் ஷூட்டிங் பாதித்தது என்றார் இயக்குனர் அமீர். இதுபற்றி அவர் கூறியதாவது: கோவாவில் கடைசியாக நடந்த ஆதிபகவன் ஷூட்டிங்கே இறுதிகட்டமாக நடந்து முடிவதாக இருந்தது. ஆனால் படத்தில் சண்டை காட்சி ஒன்று இடம்பெறுவது கதைக்கு அவசியம் என கருதினேன். இதற்கிடையே ஹீரோயின் நீது சந்திரா ஏற்கனவே கிரேக்க படமொன்றில் நடிக்க ஒப்புக்கொண்டிருந்ததால் அதில் நடிக்க சைப்ரஸ் சென்றுவிட்டார்.
மேலும் ஜெயம் ரவியும் ஏற்கனவே ஒப்புக்கொண்ட படத்தின் ஷூட்டிங்கில் நடிக்க சென்றார். இதனால் இருவரது கால்ஷீட் பெறுவதில் தாமதம் ஏற்பட்டது. வரும் ஜூலை மாதம் 6ம் தேதி ஜெய்சல்மர் மற்றும் ஜெய்ப்பூரில் ஒரு சில சண்டை காட்சிகள் படமாக்கப்பட உள்ளது. அத்துடன் ஷூட்டிங் முடிகிறது. ஏற்கனவே பட ரிலீஸுக்கான மற்ற பணிகள் நடந்து வருகிறது. விரைவில் படம் ரிலீஸ் ஆகும். இவ்வாறு அமீர் கூறினார்.
கமல் நடித்து இயக்கும் 'விஸ்வரூபம்' படப்பிடிப்பு முடிந்து இறுதி கட்ட பணிகள் நடக்கின்றன. இதன் டிரெய்லர் சமீபத்தில் ரிலீசாகி ரசிகர்கள் மத்தியில் வரவேற்பை பெற்றது. படத்தை ஹாலிவுட் தரத்துக்கு இணையாக உருவாக்க முயற்சிகள் நடக்கின்றன. 
நடிகர் அஜித், நயன்தாரா படப்பிடிப்பில், ரசிகர்களின் ரகளையால், பெங்களூருவில் நடந்த படப்பிடிப்பு, பாதியில் நிறுத்தப்பட்டது. படக்குழுவினர் சென்னை சென்றனர். பில்லா-2 படத்திற்கு பிறகு நடிகர் அஜித் ஏ.எம்.ரத்தினம் தயாரிப்பில் ஒரு படத்தில் நடிக்கிறார். இதில், நடிகர் அஜித் ஜோடியாக நயன்தாரா நடிக்கிறார். விஷ்ணுவர்தன் டைரக்ஷன் செய்து வருகிறார். படத்துக்கு, இன்னமும் பெயரிடப்படவில்லை. 
பூக்களை பறிக்காதீர்கள் உள்ளிட்ட படங்களை இயக்கிய அழகப்பனின் மகனும், டைரக்டர் சசியின் உதவியாளருமான யுவராஜ் இயக்கத்தில், விரைவில் வெளிவர இருக்கும் படம் கலியுகம். இப்படத்தில் கதாநாயகியாக அறிமுமாகியுள்ளார் மும்பை மாடல் நித்தி டெய்லர். இந்தப்படம் குறித்து நித்தியிடம் நாம் கேட்டபோது, டொகோமோ போன் விளம்பரத்தில் நான் நடித்து இருத்தேன். அந்த விளம்பரத்தை பார்த்து இயக்குநர் யுவராஜ் எனக்கு இந்த பட வாய்ப்பை கொடுத்தார். என்னை பார்த்தால் நிறையபேர் ஸ்கூல் போற பெண் போல் இருக்கிறாய் என்கின்றனர். ஆனால் எனக்கு 21 வயசு என்று உண்மையை போட்டு உடைக்கிறார். வேறு ஏதும் பட அனுபவம் இருக்கா என்றால் தெலுங்கில் எமாயி வயசுக்கு வச்சுந்தா என்ற படம் ரிலீஸ் ஆக உள்ளது. இன்னும் சில தமிழ் படங்கள் பேசிக்கொண்டு இருக்கிறேன் என்றவரிடம் கலியுகம் படத்தில் உங்க ரோல் என்ன என்றால் மாடர்ன் பெண்ணாக இருக்கும் என்னை அப்படியே கிராமத்து சாயலில் இயக்குநர் மாற்றிவிட்டார். தமிழ் அதிகம் தெரியாததால், கலியுகம் படிப்பிடிப்புக்கு முன்பே கொஞ்சம் பயிற்சியும் எடுத்தேன் என்று சொல்லும் நித்திக்கு நிறைய நல்ல நல்ல தமிழ் படங்களில் நடிக்க ஆசை இருக்காம்.
