'3' படம் வெளிவந்த பிறகு தனுஷை அவரது டிவிட்டர் இணையத்தில் கூட காண முடிவதில்லை.வெற்றிமாறன் படத்தில் ஒப்பந்தமானவுடன் "க்ளவுட் நைன் மூவிஸ் தயாரிப்பில் வெற்றி படத்தில் நடிக்க இருக்கிறேன். எனது அடுத்த படங்கள் மரியான், ராஜன்ஹா அதனைத் தொடர்ந்து வெற்றிமாறன் படம்" என்று ஏப்ரல் 18ம் தேதி அறிவித்தவர் இன்று வரை டிவிட்டர் இணையம் பக்கம் வருவதில்லை.
காரணம் என்னவாக இருக்கும் என்று தனுஷிற்கு நெருக்கமான வட்டாரத்தில் விசாரித்ததில், தனுஷ் தனியாக ஆல்பம் தயாரிக்கும் பணியில் மும்முரமாக ஈடுபட்டு வருகிறாராம்.
மும்பையில் இதற்கான பணியில் மும்முரமாக இருக்கும் தனுஷ் ஆல்பத்தின் முழுபொறுப்பையும் ஏற்று இருக்கிறாராம். பாடல்கள், இசை அனைத்தும் இவரே.
வெற்றிமாறனையும் அடிக்கடி மும்பைக்கு வாங்களேன் என்று கூப்பிட்டு தனது ஆல்பம் பணிகளை போட்டுக்காட்டி, அவர் ஏதாவது திருத்தம் சொன்னால் உடனே மாற்றி அமைக்கிறாராம்.
இந்த ஆல்பம் கூடிய விரைவில் வெளிவர இருக்கிறதாம்.
சிம்பு கூட LOVE ANTHEM ஆல்பத்தின் இறுதிகட்ட பணிகளில் ஈடுபட்டு கொண்டே இருக்கிறார். இருவரும் துபாயில் நீண்ட நேரம் SIIMA விருதுகள் வழங்கும் விழாவில் பேசிக் கொண்டு இருந்தார்கள்.
உங்கள் ஆல்பம் பணிகள் குறித்து சிம்புவுக்கு தெரியுமா தனுஷ்?
அஜித் நடிப்பில் உருவான மங்காத்தாவில் நாயகிகளாக நடித்தவர்கள் திரிஷா, லட்சுமிராய். அந்த படத்தில் நடித்த போதே யார் சிறந்தவர்கள் என்ற போட்டி அவர்களுக்குள் எழுத்தது. இருவரும் ஒருவரை ஒருவர் தாக்கி பேட்டி அளித்தனர். அப்போது லட்சுமிராய், நான் தான் மங்காத்தா படத்துக்கு முதலில் ஒப்பந்தம் செய்யப்பட்டேன். எனக்கு பிறகுதான் திரிஷாவை தேர்வு செய்தனர். நான் விட்டுக் கொடுத்த கேரக்டரில்தான் த்ரிஷா நடித்தார் என்றார். ஆனால் த்ரிஷாவோ, லட்சுமிராய் கூறியது சில்லித்தனமானது. அவரவருக்கு ஒதுக்கப்பட்ட கேரக்டரில் நடித்தோம் என்று கூறினார். இதனால் இருவருக்கும் இடையே மோதல் நீடித்து வந்தது. இருவரும் ஒருவரை ஒருவர் சந்தித்துக் கொள்ளவே இல்லை. ஆனால் தற்போது இந்த தகராறுக்கு முற்றுப்புள்ளி விழுந்துள்ளது. இருவரும் சந்தித்து மனம்விட்டு பேசி சமரசமாகியுள்ளனர். 
இந்தியில் கில்லாடி, கஹானி, மர்டர், சிங்கம் போன்ற வெற்றி படங்களில் நடித்த பிரபல நடிகர் சுதன்சு பாண்டே, தற்போது அஜித் நடித்து வெளியாக உள்ள பில்லா-2வில் வில்லனாக அறிமுகமாக உள்ளார். இதுபற்றி அவரிடம் பேசியபோது, தமிழ் மொழியில் அஜித் படத்தில் நடிக்க அறிமுகமாவது ரொம்ப மகிழ்ச்சி. இதற்காக 12 கிலோ எடை கூட்டியுள்ளேன். பில்லாவில் அபாஸி என்ற டான் ரோலில் நடித்து உள்ளேன். 40 வயது நிறைந்த பிசினஸ் மேன்னாக நடித்துள்ளேன். அஜித் என்னிடம் வேலைக்கு சேருவார். எனக்கு ஜோடி தான் ப்ரூணா அப்துல்லா. ரொம்ப அழகான பெண், நல்ல நடிகை. அவர் சண்டைக்காட்சி, துப்பாக்கிசூடு என்று தூள் கிளப்பி இருக்கிறார். நான் இந்த படத்தில் ரொம்ப சிரத்தை எடுத்து நடித்துள்ளேன். இதற்காக கடவுளுக்கு என் நன்றியை சொல்கிறேன். படத்தில் நான் தமிழ்பேச நிறைய பயிற்சி எடுத்துள்ளேன். குறிப்பா நான் அஜித்கிட்ட பேசுற டயலாக் ரசிகர்கள் ரொம்ப கொண்டாடுவார்கள். இந்த அபாஸி இல்லேன்னா டேவிட் இல்லை என்று நான் பேசும்போது கண்டிப்பா அஜித் ரசிகர்கள் எழுந்து நின்று கத்துவார்கள். நான் என்னால் முடிந்த அளவு படத்திற்கு உழைத்துள்ளேன். அஜித் ரொம்பவே ஹெல்ப் செய்தார். படம்வந்த பிறகு மத்தபடி பேசுவோம் என்று கர்ஜித்து விடை பெற்றார் புதுவில்லன் சுதன்சு.
