பாலா இயக்கி வரும் பரதேசி படத்தின் கதை, இந்தியா சுதந்திரம் அடைவதற்கு முன்பாக அதாவது 1930ம் ஆண்டு காலத்து கதையாக உருவாகி வருகிறது. சேது, பிதாமகன், நான் கடவுள், அவன் இவன் போன்ற வெற்றி படங்களை இயக்கி டைரக்டர் பாலா, இப்போது பரதேசி என்ற படத்தை இயக்கியும், பி ஸ்டூடியோ சார்பில் தானே தயாரித்தும் வருகிறார். இப்படத்தின் நாயகனாக மறைந்த நடிகர் முரளியின் மகன் அதர்வாவும், நாயகிகளாக வேதிகா மற்றும் பேராண்மை தன்ஷிகாவும் நடிக்கின்றனர். பொதுவாக பாலா படம் என்றாலே ஒரு பெரிய எதிர்பார்ப்பு இருக்கும், ஆனால் இப்படத்திற்கு வழக்கத்தை காட்டிலும் எதிர்பார்ப்பு இன்னும் அதிகமாகி இருக்கிறது. இதற்கு முக்கிய காரணம் பாலாவின் முந்தைய படங்களை போன்று இந்தப்படம் இருக்காது. ஏனென்றால் படத்தின் கதை 1930ம் ஆண்டு அதாவது நாடு சுதந்திரம் அடைவதற்கு முந்தைய காலத்து கதை. மேலும் பாலா தனது கூட்டணியை மாற்றியுள்ளார். இப்படத்திற்கு இசையமைப்பாளராக ஜி.வி.பிரகாஷ் குமாரும், ஒளிப்பதிவாளராக செழியனும், வசனகர்த்தவாக நாஞ்சில் நாதனும், படத்தொகுப்பாளராக கிஷோரும் பணியாற்றி வருகின்றனர்.
மானாமதுரை, சிவகங்கை, தேனி, மூணாறு மற்றும் கேரளா உள்ளிட்ட பகுதிகளில் உள்ள அடர்ந்த காடுகளில் பரதேசி படத்தை படமாக்கி முடித்துவிட்டார் பாலா. அதுவும் வெறும் 90 நாட்களிலேயே முழு படப்பிடிப்பையும் முடித்துவிட்டார். இப்போது படத்திற்கான போஸ்ட் புரோடக்ஷ்ன் வேலைகள் நடந்து வருகிறது.
மேலும் எப்போதும் இல்லாமல் புதுமையாக பரதேசி படத்தின் ஆடியோ வெளியீட்டு விழாவை லண்டனில் வருகிற 19 தேதி நடத்த திட்டமிட்டு இருக்கிறார் பாலா. தமிழ், தெலுங்கு ஆகிய இரு மொழியில் உருவாகி இருக்கும் இப்படம் அக்டோபர் மாதம் வெளியாக இருக்கிறது.
ப்ரியமுடன், யூத், வாட்டாக்குடி இரணியன், ஜித்தன், பெருமாள் என வித்தியாசமான படங்களைத் தந்த டைரக்டர் வின்சென்ட் செல்வா, இப்போது துள்ளி விளையாடு என்ற காமெடி கலந்த த்ரில்லர் கதையைப் படமாக்கி வருகிறார். படத்தின் நாயகனாக யுவராஜ் என்ற இளைஞரையும் அவருக்கு ஜோடியாக தீப்தியையும் அறிமுகம் செய்கிறார் வின்சென்ட் செல்வா. இவர்களுடன் பிரகாஷ்ராஜ் முக்கிய வேடத்தில் நடிக்கிறார். வின்சென்ட் செல்வா படத்தில் பிரகாஷ் ராஜ் நடிப்பது இதுதான் முதல் முறை. ஜெயபிரகாஷ், சூரி, சிங்கமுத்து, சென்ராயன் (ரவுத்திரம் - வில்லன்) சூப்பர்குட் லஷ்மண், மதுரை சுஜாதா (நாடோடிகள்) மதன்பாபு என பிரபலங்கள் கைகோர்த்துள்ளனர். 
விக்ரம் நடித்துள்ள தாண்டவம் படத்தின் ஆடியோ ரிலீஸ் ஆகஸ்ட் 15ம் தேதி சுதந்திர தினத்தன்று வெளியாக இருக்கிறது. தெய்வத்திருமகள் படத்திற்கு பிறகு டைரக்டர் விஜய், மீண்டும் விக்ரமை வைத்து தாண்டவம் என்ற படத்தை இயக்கியுள்ளார். இப்படத்தில் விக்ரமுடன் தெலுங்கு நடிகர் ஜெகபதி பாபுவும் நடிக்கிறார். இவர்களுடன் அனுஷ்கா, எமி ஜாக்சன், நாசர் உள்ளிட்ட பலர் நடித்துள்ளனர். ஜி.வி.பிரகாஷ்குமார் இசையமைத்துள்ளார். யு.டி.வி., இப்படத்தை தயாரித்துள்ளது. சமீபத்தில் இப்படத்தின் டிரைலர் வெளியீட்டு விழா நடந்தது. இந்நிலையில் படத்தின் ஆடியோவை சென்னையில் பிரம்மாண்டமாக நடத்தவுள்ளனர் தாண்டவம் படக்குழுவினர். வருகிற ஆகஸ்ட் 15ம் தேதி சுதந்திர தினத்தன்று சென்னை நந்தனத்தில் உள்ள வர்த்தக மையத்தில் நடைபெற இருக்கிறது. இந்த விழாவில் தாண்டவம் படக்குழுவினர் தவிர நிறைய திரை நட்சத்திரங்களும் பங்கேற்க இருக்கின்றனர். 
சினிமாவில் நல்ல கதை அமையட்டும் நானும், பிரசன்னாவும் சேர்ந்து நடிக்கிறோம் என சினேகா தெரிவித்து இருக்கிறார். அச்சமுண்டு அச்சமுண்டு படத்தில் கணவன்-மனைவியாக நடித்த சினேகா பிரசன்னா, இப்போது நிஜ வாழ்விலும் தம்பதிகளாய் இணைந்துள்ளனர். சமீபத்தில் தான் இவர்களது திருமணம் நடந்து முடிந்தது. இருவரும் விளம்பர படங்களில் ஒன்றாக இணைந்து நடித்து வருகின்றனர். இந்நிலையில் பிரசன்னாவுடன் இணைந்து நடிப்பது குறித்த கேள்விக்கு பதிலளித்து இருக்கும் சினேகா, விளம்பர படங்களில் நானும் பிரசன்னாவும் இணைந்து நடிக்க நிறைய வாய்ப்புகள் வருகிறது. இதை பெருமையாக கருதுகிறோம். இப்படி நடிப்பது எங்களுக்கு ஈஸியாகவும் இருக்கிறது. பொதுவாக நடிப்பில் ஏதேனும் சந்தேகம் வந்தால் மட்டும் பிரசன்னாவிடம் கேட்பேன். மற்றபடி அவரவர் பட விஷயங்களில் யாரும் தலையிட மாட்டோம். இப்போதைக்கு இருவரும் விளம்பர படங்களில் இணைந்து நடிக்கிறோம், எங்கள் இருவருக்கும் ஏற்றபடி நல்ல கதை மட்டும் அமையட்டும் நானும், பிரசன்னாவும் கண்டிப்பாக சேர்ந்து நடிப்போம் என்று கூறியுள்ளார். 
வட மாநிலத்தை சேர்ந்தவரான நமீதா. தமிழ் சினிமாவில் ஹீரோயினாக அறிமுகமானார். தேர்ந்த நடிகையாக இல்லாவிட்டாலும் தனது மொழு மொழு உடல் அமைப்பு, மற்றும் தாராள கவர்ச்சியால் ரசிகர்களை கவர்ந்தார். மச்சான் என்று ரசிகர்களை அழைத்து கிரங்க வைத்தார். இங்கிலீஸ்காரன் என்ற மெசேஜ் சொல்லும் படத்திலும் சரி, ஜெகன் மோகினி என்ற மாயாஜாலப் படத்திலும் சரி, பில்லா என்ற கமர்ஷியல் படத்திலும் சரி இவரது கவர்ச்சிதான் மேலோங்கி நின்றது. பார்த்திபன் இயக்கத்தில் உருவான பச்சக்குதிரை படத்தில் மட்டும் கொஞ்சம் நடிக்க முயற்சித்தார். அந்தப் படமும் வெற்றி பெறவில்லை. 