கோடை விடுமுறை பள்ளிக் குழந்தைகளுக்கு சந்தோஷம் தருகிறதோ இல்லையோ, திரைப்படத்துறையினருக்கு கண்டிப்பாக சந்தோஷத்தைத் தரும். காரணம், பல பெரிய படங்கள் வெளியாகி, தியேட்டர்கள் பரபரப்பாக இருக்கும். ஆனால் 2012 கோடை விடுமுறையோ எந்த ஒரு பெரிய நாயகரின் படமும் வெளிவர வில்லை. தற்போது கோடை விடுமுறை முடிந்து விட்ட நிலையில் தமிழ் திரையுலகில் பெரிதும் எதிர்பார்க்கப்படும் படமான 'பில்லா 2' வெளியாக இருக்கிறது.அஜீத், பார்வதி ஒமணக்குட்டன் நடிப்பில் சக்ரி டோல்டி இயக்கத்தில் உருவாகி இருக்கும் படம் 'பில்லா 2' . பெரும் பொருட்செலவில் உருவாகி இருக்கும் இப்படத்தினை ஆஸ்கர் ரவிச்சந்திரன் தமிழகத்தில் வெளியிட இருக்கிறார்.இப்படம் ஜுன் 22ம் தேதி வெளியாக இருக்கிறது. ஜுன் 22ம் தேதி தான் விஜய்யின் பிறந்த நாளாகும். விஜய் பிறந்த நாள் அன்று அஜீத்தின் படம் வெளிவருவது இதுவே முதல் முறை.
'பில்லா 2' படத்தினை சென்சார் அதிகாரிகளுக்கு ஜுன் 11 - 15க்குள் திரையிட்டு காட்ட இருக்கிறார்கள். சென்சார் முடிந்தவுடன் 22ம் தேதி படத்தினை பிரம்மாண்டமாக வெளியிட முடிவு செய்து இருக்கிறது ஆஸ்கர் பிலிம்ஸ்.
'பில்லா 2' படத்தின் வெளியீட்டு தேதி முடிவானதை அடுத்து கார்த்தி நடிப்பில் வெளிவர இருக்கும் 'சகுனி' படத்தை ஜுலை 6ம் தேதி வெளியிட தீர்மானித்துள்ளனர்.
No comments:
Post a Comment