தன்னை பிரபல நடிகர்கள் சூர்யா மற்றும் கார்த்தியின் தம்பி என்று சொல்லிக் கொண்டு திரிந்த சரவணன் என்ற இளைஞருக்கு நடிகைகளிடம் தர்ம அடி கிடைத்துள்ளது.நடிகைகள் சோனியா அகர்வால் மற்றும் சோனாவிடம்தான் இந்த இளைஞர் சிக்கி அடி வாங்கியுள்ளார்.
இந்த இளைஞர் முதலில் பிரபல மால் ஒன்றில் வேலை பார்த்தவராம். எப்படியோ அவர் சூர்யா- கார்த்தி அலுவலகத்தில் வேலைக்கு சேர்ந்துவிட்டார்.
சூர்யா, கார்த்தி பெயரைச் சொல்லி திரையுலகில் இருப்பவர்களின் கைபேசி எண், சமூக வலைதளங்களில் நட்பு எனப் பெற்று அதை தவறாக பயன்படுத்தி வந்தாராம்.
'என்ன பாக்கனும்னா என் அண்ணனுங்க அலுவலகத்துக்கு வாங்க. நான் அங்க தான் இருப்பேன்' என்று கூறி அனைவரையும் நம்ப வைத்து வந்திருக்கிறார்.
இந்த நிலையில் அண்ணா மேம்பாலத்திற்கு அருகில் இருக்கும் ஒரு நட்சத்திர ஹோட்டலில் சோனியா அகர்வாலை பார்ட்டியில் தற்செயலாக சந்தித்த சரவணன், அவரிடம் ஏதோ தவறாகக் கூறியிருக்கிறார். அவர் தமிழில் பேசியதால் புரிந்து கொள்ளாத சோனியா, அதை சக நடிகை சோனாவிடம் அதை அப்படியே ஒப்பிக்க, சோனாவோ டென்ஷனாகி சரவணனை போட்டு அடித்ததாகக் கூறப்படுகிறது.
சரவணன் கூறியதன் அர்த்தத்தை சோனா விளக்க சோனியா அகர்வாலும், அவரது தம்பியும் ஹோட்டலில் அனைவர் முன்னிலையிலும் சரவணனை புரட்டியெடுத்துவிட்டார்களாம்.
ஹோட்டல் ஊழியர்கள் வந்து தடுத்து சூர்யா, கார்த்திக்கு தகவல் சொன்ன பிறகு, கொஞ்ச நேரத்தில் சண்டை சமாதானமானதாம்.
ஸ்ரீதேவி நடித்து வரும் இங்கிலீஸ் விங்கிலீஸ் படத்தில், கெஸ்ட் ரோலில் நடிகர் அஜித் நடிக்க போவதாக தகவல் வெளியாகியுள்ளது. தமிழ், தெலுங்கு சினிமாவை கலக்கிய ஸ்ரீதேவி, பின்னர் இந்தி திரையுலகிலும் கால்பதித்து, அங்கும் முத்திரை பதித்தார். பிரபல தயாரிப்பாளர் போனி கபூரை திருமணம் செய்து கொண்ட பின்னர் சினிமா வாய்ப்புகளை குறைத்து கொண்ட ஸ்ரீதேவி, இப்போது நீண்ட இடைவேளைக்கு பிறகு இங்கிலீஷ் விங்கிலீஷ் என்ற படத்தில் நடிக்கிறார். சந்தர்ப்ப சூழ்நிலையால் அமெரிக்கா செல்லும் ஸ்ரீதேவி, அங்கு மொழி பிரச்னையால், ஆங்கில மொழியை திக்கி திணறி பேசி அங்குள்ளவர்களால் கிண்டல்களுக்கு ஆளாகிறார். பின்னர் அதை சவாலாக ஏற்று முறைப்படி ஆங்கிலத்தை பேசி அனைவரையும் ஆச்சரியப்படுத்துகிறார். இதுவே இப்படத்தின் கதை. கவுரி ஷிண்டே இயக்கும் இப்படத்தை பால்கி தயாரிக்கிறார். 
கதாநாயகன், வில்லன் என, இரு வேடங்களில் கமல் நடித்த படம், "ஆளவந்தான்! கமல் எழுதிய, "தாயம் என்ற கதையை மையமாக வைத்து உருவான இந்தப் படத்தின் ஒரு சண்டைக் காட்சி, "கிராபிக்ஸ் முறையில், வித்தியாசமாக படமாக்கப் பட்டிருந்தது. இது, "ஹாலிவுட் இயக்குனர் குவென்டைன் டிரன்டினோ என்பவரை மிகவும் கவர்ந்து விட்டது. கமலை வெகுவாக பாராட்டிய அவர், 2014ல் தான் இயக்கவுள்ள படத்தில், ஆளவந்தானில் இடம் பெற்றது போன்ற ஒரு சண்டைக் காட்சியை, அதே பாணியில் உருவாக்க இருப்பதாக தெரிவித்துள்ளார்.
விஜய் நடித்து வரும் துப்பாக்கி படத்தின் தலைப்பிற்கான சிக்கல் இன்னும் ஓய்ந்தபாடில்லை. இதனால் படக்குழுவினர் கவலையடைந்துள்ளனர். ஏ.ஆர்.முருகதாஸ் இயக்கத்தில், விஜய், காஜல் அகர்வால் நடித்து வரும் படம் துப்பாக்கி. இப்படத்தின் ஷூட்டிங் கிட்டத்தட்ட முடிந்துவிட்டது. 
சகுனி ப்ளாப் படம் என்று யார் சொன்னது, வசூல் ரீதியாக படம் நன்றாக போய் கொண்டு இருக்கிறது என்று அப்படத்தின் நாயகன் கார்த்தி தெரிவித்துள்ளார். புதுமுகம் ஷங்கர் தயாள் கார்த்தி, ப்ரனீதா, சந்தானம், பிரகாஷ்ராஜ், கோட்டா சீனிவாசராவ் உள்ளிட்ட பலரது நடிப்பில் சமீபத்தில் வெளியான படம் சகுனி. இப்படம் சரியாக போகவில்லை என்பது தான் அனைத்து தரப்பட்ட ரசிகர்களின் கருத்து. ஆனால் இக்கருத்தை படத்தின் நாயகன் கார்த்தி தவறானது என்று கூறியுள்ளார். சென்னையில் நிகழ்ச்சி ஒன்றில் பங்கேற்ற கார்த்தியிடம், சகுனி தோல்வி படம் தானே என்று கேட்டுள்ளனர். அதற்கு கார்த்தி, சகுனி தோல்வி படமா...? யார் சொன்னது. இன்று நாட்டில் நடக்கும் அரசியல் சம்பவங்களை மையப்படுத்தி சகுனி படத்தை எடுத்துள்ளோம். சகுனி படத்துக்கு கொஞ்சம் அப்படி இப்படி என்று விமர்சனம் வந்தது உண்மைதான். சிலரது எதிர்பார்ப்பை இந்தபடம் பூர்த்தி செய்யவில்லை. அதற்காக படம் ப்ளாப் என்று கூறமுடியாது. வசூல் ரீதியாக படம் நன்றாக போய் உள்ளது. இனி வர என்னுடைய படங்களில் இன்னும் கூடுதலாக கவனம் செலுத்துவேன் என்றார்.
தனக்கு மட்டுமன்றி, மற்ற கதாநாயகர்களுக்கும் பின்னணி பாடுவதில் ஆர்வம் காட்டி வரும் சிம்பு, "எதிரி எண் - 3 படத்தில் ஸ்ரீகாந்துக்காக, "நச்சுக்கு நச்சுக்குன்னு எனத் துவங்கும் ஒரு குத்துப் பாடலை, தரன் இசையில் பாடியுள்ளார். நாற்பது லட்சம் செலவில், எட்டு விதமான "செட் போடப்பட்டு, ஸ்ரீகாந்த் - பூனம் பாஜ்வா இருவரும், அந்தப் பாடலுக்காக குத்து போட்டுள்ளனர்."இளவட்ட ரசிகர்களை கவரும் பாடலாக இது இருக்கும், என்கிறார், படத்தின் இயக்குனர் ராம்குமார்.
"சேட்டை படத்தில், இன்னொரு கதாநாயகியாக ஹன்சிகாவும் இருக்கிறாரே? உங்கள் இருவரில், யார் முதன்மை நாயகி என, அஞ்சலியிடம் கேட்டால், "இந்தப் படத்தில், ஆர்யாவுக்கு ஜோடியாக நடிக்கும் நானே, படத்தின் முக்கிய நாயகி, என்கிறார். பத்திரிகையாளராக நடிக்கும் எனக்கு, கதையிலும் முக்கியத்துவம் தந்துள்ளார் இயக்குனர். "இந்தப் படத்தில் நான், நகைச்சுவை கதாபாத்திரத்தில் நடிப்பதாக செய்தி பரவி உள்ளது. ஆனால், எனக்கு நகைச்சுவை வேடம் கிடையாது. நவீன மங்கையாக நடித்துள்ளேன். அதேசமயம், ரசிகர்களை ரசிக்க வைக்க, மிதமான கவர்ச்சியும் உண்டு, என்கிறார்.
"மாஜி நடிகை என்ற அடையாளத்தோடு, அரசியல் களத்திலும் புகுந்து சில காலம் கலக்கியவர் ரோஜா.சமீபகாலமாக, அரசியல் பணியை ஓரங்கட்டிவிட்டு, மீண்டும் கலைச் சேவையாற்ற வந்துள்ளார். நீண்ட இடைவேளைக்குப் பிறகு, ரோஜா நடித்துள்ள படம், "வேட்டையாடு! இதில் ஒரு பாடலில், பாண்டியராஜனுடன் இணைந்து, கழைக்கூத்தாடியாக நடனமாடி உள்ளார். கழைக்கூத்தாடிகளின் வாழ்க்கையை சொல்லும் அந்தப் பாடலில், கம்பி மேல் நடப்பது, ஒற்றை "வீல் சைக்கிள் ஓட்டுவது என்றெல்லாம் சாகசம் செய்கிறார் ரோஜா. 
ரதன் சந்திரசேகர் இயக்கும் படம், "என் பெயர் குமாரசாமி! புதுமுகங்கள்நடிக்கும் இந்தப் படத்தில், படுக மொழி பாடல் ஒன்று இடம் பெற்றுள்ளது. இதை, படுக இனத்தின் முதல் பட்டதாரியான சாந்தி தேசிங்கு பாடியுள்ளார். இதே படத்தில், "வனப்புடை மகளிர் சொல்லும் என்றொரு சித்தர் வடிவ பாடலை, நடிகர் பார்த்திபன் பாடி உள்ளார். இது சினிமாவில் அவர் பாடும் முதல் பாடல். பார்த்திபனின் குரலும், தமிழ் உச்சரிப்பும் மிகத் தெளிவாக இருக்கும் என்ற காரணத்தினாலேயே, இந்தப் பாடலை அவரை பாட வைத்தேன், எனச் சொல்கிறார் இயக்குனர்.
