Wednesday 29 August 2012

கமல் Vs சூர்யா!

'விஸ்வரூபம்' மற்றும் 'மாற்றான்' இரு படங்களுமே அக்டோபர் 12ம் தேதி வெளியீடு என்று அறிவித்து இருப்பது விநியோகஸ்தர்கள் மத்தியில் பெரும் பரபரப்பைக் கிளப்பி இருக்கிறது.

இந்தியாவிலேயே அதிகப் பொருட்செலவில் உருவாகி இருக்கும் படம் 'விஸ்வரூபம்'. கமல், ஆண்ட்ரியா, பூஜாகுமார் மற்றும் பலர் நடித்த 'விஸ்வரூபம்' படத்தினை கமல் தயாரித்து, இயக்கி இருக்கிறார். இப்படத்தின் FIRST LOOK, டிரெய்லர் என அனைத்துமே ஹாலிவுட் படங்களுக்கு இணையாக இருப்பதால் இப்படம் எப்போது வெளியாகும் என்று பெரும் எதிர்ப்பார்ப்பு இருந்தது. இப்போது ' விஸ்வரூபம்' அக்டோபர் 12ம் தேதி வெளியாகும் என்று அறிவித்து இருக்கிறார்கள். விஸ்வரூபம் இசை அடுத்த மாதம் வெளியாக இருக்கிறது.

சூர்யா - கே.வி.ஆனந்த் இணைப்பில் 'அயன்' படத்தினைத் தொடர்ந்து உருவாகி இருக்கும் படம் 'மாற்றான்'. சூர்யா ஒட்டிப் பிறந்த இரட்டையர்கள் வேடத்தில் நடித்து இருக்கிறார். சூர்யா, காஜல், கே.வி.ஆனந்த், ஹாரிஸ் ஜெயராஜ் என ஒரு மெகா கூட்டணி இப்படத்தில் இணைந்து இருக்கிறது. பாடல்கள் வரவேற்பு, டிரெய்லருக்கு கிடைத்து இருக்கும் வரவேற்பு என தொடர்ந்ததால் படம் அக்டோபர் 12ம் தேதி வெளியீடு என்று அறிவித்து இருக்கிறது தயாரிப்பு நிறுவனம்.

இரண்டுமே முக்கிய நாயகர்கள் நடித்த படம் என்பதால், ஒரு வார இடைவெளியில் வந்தால் நன்றாக இருக்கும் என்று விநியோகஸ்தர்கள் எண்ணம்.

இவ்விரண்டு படங்களுமே பிரம்மாண்ட தயாரிப்பு என்பதால் ஒரே சமயத்தில் இவ்விரண்டு படங்களுமே வந்தால் 1000 திரையரங்குகளுக்கு மேலாக வெளியாகும். ஆகையால் இரண்டு படங்களுமே ஒரே சமயத்தில் வெளிவரும் வாய்ப்பு குறைவு.

கமல் சூர்யாவிற்காக விட்டுக் கொடுக்கிறாரா அல்லது சூர்யா கமலுக்காக விட்டுக் கொடுக்கிறாரா என்பது தான் தற்போதைய கேள்வி. 'கும்கி' இசை வெளியீட்டு விழா கமல் வரும் வரை காத்திருந்து, அதற்கு பிறகு இசை வெளியீட்டு அரங்கில் நுழைந்தவர் சூர்யா. இந்த விஷயத்தில் எப்படி என்பது இனிமேல் தான் தெரியும்.

ஒரே தேதியில் வெளிவந்தால் தமிழில் கமலின் 'விஸ்வரூபம்' படத்துடனும், தெலுங்கில் பவன் கல்யாணின் 'cameraman ganga tho rambabu' படத்துடனும் போட்டியிடும் 'மாற்றான்'.

No comments:

Post a Comment