அசின் தற்போது மகிழ்ச்சி கடலில் மூழ்கியுள்ளார். சமீபத்தில் அவர் நடித்து வெளிவந்த ‘போல்பச்சன்’ படம் ஹிட்டானதே இந்த சந்தோஷத்துக்கு காரணமாம். வெற்றிப் படங்கள் அமைந்தது அசினுக்கு புதிதல்ல என்றாலும் ‘போல்பச்சன்’ படம் அவருக்கு புது அந்தஸ்தை பெற்று கொடுத்துள்ளது.
100 கோடி ரூபாய் வசூல் சாதனை படங்களில் நடிப்பதை இந்தி நடிகைகள் கவுரவமாக பார்க்கிறார்கள். இதில் கரீனா கபூர் முதல் இடத்தில் இருக்கிறார். அவர் 100 கோடியை தாண்டி வசூல் சாதனை படைத்த ‘கோல்மால் 3’, ‘திரி இடியட்ஸ்’, ‘பாடிகார்டு’, ‘ரா ஒன்’ போன்ற படங்களில் நடித்துள்ளார்.
கரீனா கபூருக்கு அடுத்த இடத்துக்கு அசின் உயர்ந்துள்ளார். அசின் ஏற்கனவே நடித்த ‘கஜினி‘, ‘ரெடி’, ‘ஹவுஸ்புல்’ படங்கள் 100 கோடி ரூபாய் வசூலித்து சாதனை படைத்தன. தற்போது ‘போல்பச்சன்’ படம் 100 கோடி வசூல் சாதனையை தாண்டி விட்டது. இதனால் கரீனாவுக்கு போட்டியாக அசின் உயர்ந்து விட்டார்.
இதுகுறித்து அசின் கூறும்போது “நான் இந்தி திரையுலகில் நுழைந்து இன்னும் ஐந்து ஆண்டுகள்கூட ஆகவில்லை. இவ்வளவு குறைந்த காலத்தில் எனக்கு இதுபோன்ற உயர்ந்ததொரு அந்தஸ்து கிடைக்கும் என்று எதிர்பார்க்கவில்லை. ‘போல்பச்சன்’ எனது வாழ்க்கையில் ஒரு சிறப்பு படமாகும் என்றார்.
No comments:
Post a Comment