முகமூடியை தோற்கடிக்க பேட்மேன் ஆயுதத்தை எடுத்த உதயநிதி?

       தி டார்க் நைட் ரைசஸ் எனும் பேட்மேன்-3 படத்தை அதிக விலை கொடுத்து வாங்கி தமிழ்படுத்தி உதயநிதிஸ்டாலினின் ரெட் ஜெயண்ட் மூவிஸ் பட நிறுவனம் தமிழகம் எங்கும் ரிலீஸ் செய்ய காரணம், உதயநிதி, அடுத்தமாதம் ரிலீஸ் ஆக இருக்கும் பேட்மேனின் டூப்ளிகேட் முகமூடியை விநியோகிக்கும் உரிமையை இயக்குநர் மிஷ்கினிடமும், யு.டி.வி., தனஞ்ஜெயனிடமும் கேட்டாராம். அதற்கு அவர்கள் நோ சொல்லவே பேட்மேன்-3யை பிரமாதமாக தமிழ்படுத்திவிட்டாராம்.

       இதுஒருபுறம் இருக்க கடந்த சில தினங்களுக்கு முன்னர் முகமூடி படத்தின் ஆடியோ ரிலீ‌ஸை தொடர்ந்து மதியம் 3 மணியளவில் பிரஸ்மீட்டிற்கு ஏற்பாடு செய்திருந்தது முகமூடி டீம். அதேநாளில் மதியம் 12 மணியளவில் பேட்மேன்-3 படத்தின் பத்திரிக்கையாளர்களுக்கான காட்சியையும் ஏற்பாடு செய்திருந்தார் உதயநிதி. இதனால் முகமூடி பிரஸ்மீட் நிகழ்ச்சியை கொஞ்சம் தாமதமாக ஆரம்பித்துள்ளனர். இப்படியாக உதயநிதிக்கும், முகமூடி குழுவுக்கும் ஒரு "கோல்டு வார்" நடந்து வருகிறது.