நாயகனாக நடிக்கும் ஒவ்வொரு படத்திற்கும் கடுமையாக தனது உடம்பை வருத்தி உழைப்பவர் விக்ரம். 'சேது', 'பிதாமகன்', 'அந்நியன்', 'காசி' என இவர் நடித்த பல்வேறு படங்கள் இதற்கு சான்றாக இருக்கின்றன.'தாண்டவம்' படமும் இப்பட்டியலில் சேர்கிறது.
இப்படத்தில் விக்ரம் இருவேறு பரிமாணங்களில் நடித்து இருக்கிறார். 'தாண்டவம்' படத்தில் கண் தெரியாதவராக ஒரு பாத்திரத்தில் நடித்து இருக்கிறாராம் விக்ரம்.
'காசி' படம் போல் அல்லாமல் இப்படத்தில் வித்தியாசமாக தெரிய வேண்டும் என்று மெனக்கெட்டு இருக்கிறார். கண் தெரியாதவராக நடிப்பதில் ஏற்படும் கஷ்டங்களை பெரிது படுத்தாமல், கண் தெரியாதவராக சண்டைக் காட்சிகளில் விக்ரம் ஒரு கண்கட்டு வித்தையே காட்டியிருக்கிறாராம். படக்குழுவினரே அசந்து போகும் வண்ணம் அமைதிருக்கிறதாம் அந்த சண்டைக் காட்சி.
மற்ற படங்கள் எப்படி மக்களிடையே பேசப்பட்டதோ, அது போல 'தாண்டவம்' படத்தில் இந்த உழைப்பும் பெரிதும் பேசப்படும் என்ற நம்பிக்கையில் இருக்கிறார் விக்ரம்.
அடுத்து ஷங்கரின் 'ஐ' படத்திற்காக தற்போதே தயாராகி வருகிறார்.
No comments:
Post a Comment