ரஜினியின் முழுக்கவனமும் இப்போது 'கோச்சடையான்' படத்தின் மீது தான் இருக்கிறது.'கோச்சடையான்' படத்தினை தீபாவளிக்கு திரையிட அனைத்து முயற்சிகளிலும் ஈடுபட்டு வருகிறது படக்குழு. ஆனால் கிராபிக்ஸ் பணிகள் அதிகமாக இருப்பதால், படம் தீபாவளிக்கு வருவது சாத்தியமில்லை என்று செய்திகள் வெளிவந்தன.
'கோச்சடையான்' படத்தினை தயாரித்து வரும் ஈராஸ் நிறுவனம் அறிக்கை ஒன்றை வெளியிட்டு இருக்கிறது.
அந்த அறிக்கையில் " கோச்சடையான் படத்தின் டிவி உரிமையை ஜெயா டிவி வாங்கி இருக்கிறது. தெலுங்கு உரிமை லட்சுமி கணபதி பிலிம்ஸிடம் இருக்கிறது.
'கோச்சடையான்' படத்தில் ரஜினியுடன் தீபிகா படுகோன், ஜாக்கி ஷெராப், சரத்குமார், நாசர், ஷோபனா, ஆதி, ருக்மணி மற்றும் பலர் நடித்து இருக்கிறார்கள்.
இப்படத்தின் இசை வெளியீட்டு விழா டோக்கியோவில் நடைபெறும். லாஸ் ஏஞ்சல்ஸ், லண்டன் மற்றும் இந்தியா உள்ளிட்ட நாடுகளில் படத்தின் பிரிமியர் காட்சி நடத்த தீர்மானிக்கப்பட்டு இருக்கிறது.
படத்தினை விளம்பரப்படுத்தும் வகையில் KARBON மொபைல்ஸ் உடன் ஒப்பந்தம் போடப்பட்டு இருக்கிறது. KARBON இப்பட வெளியீட்டை கொண்டாடும் வகையில் 5 லட்சம் 'கோச்சடையான்' மொபைல் போன்களை வெளியிட உள்ளது. அத்துடன் மேலும் பல சிறப்புப் பரிசுகளையும் வழங்க இருக்கிறது.
படம் இவ்வருட இறுதியில் வெளிவரும் " என்று தெரிவித்து இருக்கிறார்கள்.
'கோச்சடையான்' 12-12-12 ரஜினியின் பிறந்த நாள் அன்று வெளிவருமோ?
No comments:
Post a Comment