சூர்யா, தமன்னா நடித்து வெற்றி பெற்ற அயன் படத்தை இயக்கிவர் கே.வி. ஆனந்த். இவர் மீண்டும் சூர்யாவை வைத்து மாற்றான் என்ற படத்தை இயக்கியுள்ளார். இதில் சூர்யாவுக்கு ஜோடியாக காஜல் அகர்வால் நடித்துள்ளார்.
சூர்யா ஒட்டிப் பிறந்த இரட்டையர் வேடத்தில் நடித்துள்ளதால் மாற்றான் படத்துக்கு பலத்த எதிர்பார்ப்பு ஏற்பட்டுள்ளது. மாற்றான் பட பாடல் வெளியீட்டு விழா வருகிற 9-ந்தேதி சிங்கப்பூரில் நடக்கிறது. ஆட்டம்- பாட்டம் கொண்டாட்டம் என பிரமாண்டமாக நடத்த திட்டமிட்டு உள்ளனர். நடிகர், நடிகைகள் நடனம் ஆடுகிறார்கள். இசை நிகழ்ச்சியும் நடக்கிறது.
எனவே விழாவில் பங்கேற்கும்படி இதுவரை சூர்யாவுடன் ஜோடி சேர்ந்த நடிகைகளை கே.வி.ஆனந்த் அழைத்துள்ளார். அழைப்பை ஏற்று சூர்யா மனைவி ஜோதிகா மற்றும் நயன்தாரா, திரிஷா, அசின், ஸ்ருதிஹாசன், தமன்னா, திவ்யா ஸ்பந்தனா, சமீரா ரெட்டி ஆகியோர் விழாவில் பங்கேற்கின்றனர். மாற்றான் படத்தில் ஜோடியாக நடிக்கும் காஜர் அகர்வாலும் கலந்து கொள்கிறார்.
அனைவரும் மேடையில் அழைக்கப்பட்டு கவுரவிக்கப்பட உள்ளனர். இசையமைப்பாளர் ஹாரீஸ் ஜெயராஜ் இசை கச்சேரியை நடத்துகிறார். பின்னணி பாடகர்கள் இதில் பங்கேற்று பாடுகிறார்கள். ரஷ்ய பெண்களின் நடன நிகழ்ச்சியும் நடக்க உள்ளது. சூர்யாவின் தம்பியான நடிகர் கார்த்தியும் இதில் கலந்து கொள்வார் என எதிர்பார்க்கப்படுகிறது.
No comments:
Post a Comment