ரஜினி குழந்தை மாதிரி என்று ரஜினியுடன் கோச்சடையான் படத்தில் நடிக்கும் நடிகை தீபிகா படுகோனே கூறியுள்ளார். கே.எஸ்.ரவிகுமார் மேற்பார்வையில் சௌந்தர்யா அஸ்வின் இயக்கும் கோச்சடையானில் ரஜினி, தீபிகா படுகோனே நடிக்கின்றனர்.
கோச்சடையான் படத்தில் நடித்த அனுபவம் பற்றி பேசியபோது தீபிகா “ரஜினியின் திறமையை பார்த்து நான் ஆச்சர்யப்பட்ட தருணங்கள் பல. ஒவ்வொரு காட்சியும் நடித்த பிறகு இயக்குனர் ஓகே சொன்னதும், ரஜினி முகத்தில் தோன்றும் மகிழ்ச்சியை வேறு எந்த நடிகரின் முகத்திலும் காண முடியாது. குழந்தை போன்ற முகபாவம் கொண்டவர் ரஜினி.
அதேபோல் சகநடிகர்களின் திறமையை பாராட்டாமல் விடமாட்டார். நான் பார்த்த நடிகர்களிலேயே அமிதாப்பச்சன், ரஜினி ஆகியோருக்கு மட்டும் தான் இது போன்ற முகபாவம்” என்று கூறி புன்னகைத்தார்.
டிசம்பர் மாதம் ரஜினியின் பிறந்தநாளன்று தான் ரிலீஸ் என்பதால் கோச்சடையான் படத்தின் போஸ்ட் புரொடக்ஷன் வேலைகள் மந்தமாகவே நடந்துகொண்டிருக்கின்றன.
No comments:
Post a Comment