வெங்கட்பிரபு சமைக்க இருக்கும் 'பிரியாணி' படத்திலும் வழக்கம்போல் ஒரு நட்சத்திர பட்டாளமே இருக்கிறது.கார்த்தி நாயகனாக நடிக்க இருக்கும் இப்படத்தினை ஸ்டூடியோ கிரீன் நிறுவனம் தயாரிக்க இருக்கிறது.
நாயகியாக ரிச்சா நடிக்க இருக்கிறார். 'சென்னை 28', 'கோவா', 'சரோஜா', 'மங்காத்தா' உள்ளிட்ட முந்தைய வெங்கட்பிரபு படங்களில் பணியாற்றியவர்கள் இப்படத்திலும் பணியாற்ற ஒப்பந்தம் செய்யப்பட்டு இருக்கிறார்கள்.
பிரசன்னா - சினேகா இருவருமே 'பிரியாணி' படத்தில் நடிக்க இருக்கிறார்கள். இவர்களது திருமண வரவேற்பில் இயக்குனர் வெங்கட்பிரபு பாடல்கள் எல்லாம் பாடி அனைவரையும் பரவசப்படுத்தினார்.
'பிரியாணி' படத்தில் சினேகா ஒரு முக்கிய பாத்திரத்திலும், பிரசன்னா சிறு வேடத்திலும் நடிக்க ஒப்பந்தமாகி இருக்கிறார்கள்.
ரிச்சாவைத் தவிர வேறு ஒரு நாயகியும் படத்தில் இருக்கிறாராம்.
கார்த்தி, ரிச்சா, பிரசன்னா, சினேகா, பிரேம்ஜி என காரசாரமான பிரியாணியை சுடச்சுட சமைக்க ஆரம்பித்து விட்டார் வெங்கட்பிரபு.
இந்த பிரியாணியில் மசாலா சேர்க்க இன்னும் யார் எல்லாம் ஒப்பந்தமாவார்கள் என்பது வரும் வாரத்தில் தெரிந்துவிடும்.
No comments:
Post a Comment