’தெய்வத்திருமகள்’ படத்தில் இணைந்த ஜோடி இப்போது ‘தாண்டவம்’ ஆடிக்கொண்டிருக்கிறது. விக்ரம்-அனுஷ்கா என நீங்கள் நினைக்கலாம்! அதுதான் இல்லை, நடிகர் விக்ரமும், இயக்குனர் விஜய்யும். தான் அந்த ஜோடி! அட, ஆமாங்க... இப்படித் தான் சொல்லிக்கொள்கிறார் இயக்குனர் விஜய்.
இது பற்றி பேசுகையில் இயக்குனர் விஜய் “ தேசிய விருது பெற்ற நடிகர்களை வைத்து படம் இயக்குவது வளர்ந்து வரும் ஒவ்வொரு இயக்குனரின் கனவாகும். அந்த வகையில் தெய்வத்திருமகள் படத்திலேயே என் கனவு நனவாக, அந்த படத்தின் வெற்றிக்கு போனஸாக கிடைத்திருப்பது தான் ‘தாண்டவம்’ வாய்ப்பு. விக்ரமுடனான முதல் பட அனுபவத்தில் எங்களுக்குள் நல்ல புரிதல் வந்தது. அந்த புரிதலினால் ‘தாண்டவம்’ மிகச் சிறப்பாக வளர்ந்து கொண்டிருக்கிறது” என சிலாகித்தார்.
சமூகத்தின் சுயநலத்தினால் பாதிக்கப்படும் தனி மனிதனின் பழி வாங்கும் உணர்ச்சிகரகமான கதை என்றாலும், ஆந்திரத்து அல்வாவான அனுஷ்காவும், வெளிநாட்டிலிருந்து இறக்குமதி செய்யப்பட்டிருக்கும் ஸ்ட்ராபெர்ரி ஏமி ஜாக்சனும் கலர்ஃபுல் ஆட்டம் போட்டிருக்கிறார்கள்.
ஆனாலும் இரண்டு கதாநாயகிகளும் சும்மா வந்து போகும் கதாபாத்திரங்கள் அல்ல. படத்தின் கதையில் திருப்பம் ஏற்படுத்தும் அளவிற்கு சக்திவாய்ந்த கதாபாத்திரத்தை ஏற்றுள்ளனர். ஹீரோ விக்ரம், ஹீரோயின் அனுஷ்கா, தெய்வத்திருமகள் படத்தில் முக்கிய ரோல்களில் நடித்த நாசர், சந்தானம் ஆகியோரும் இந்த படத்தில் இணைந்துள்ளனர்.
லண்டனில் உள்ள ’டவர் பிரிட்ஜில்’ எடுக்கப்பட்ட சண்டைக் காட்சி, ரசிகர்கள் படம் பார்க்கும் போது அவர்களது இருக்கையையே மறக்க வைக்கும்படி இருக்குமாம். தாண்டவம் படத்தின் 30% படம் தான் இந்தியாவில் நடக்கிறதாம். மற்ற காட்சிகள் இலங்கையிலிருந்து விமானத்தில் நேராக லண்டன் செல்வதுதான்.
No comments:
Post a Comment