பானுவுக்கு உயிர்கொடுக்கும் இயக்குனர்!

தமிழ்சினிமாவின் அதிரடி மசாலா இயக்குனர் ஹரி! ஹீரோயின்களை கவர்ச்சியாக உடை உடுத்த இவர் நிர்பந்திக்க மாட்டார் என்றாலும் எக்குத்தப்பான பாடல் வரிகளைக் கொண்ட குத்து டுயட்களில் ஆட விட்டு, அவர்களை கமர்ஷியல் கலரில் நனைத்து எடுத்து விடுவார்.

அப்படித்தான் நயந்தாராவை ‘ஐயா படத்தில் அறிமுகப்படுத்தி வைத்தார் ஹரி. அவர் இன்று வரை தென்னிந்திய சினிமாவின் மோஸ்ட் வாண்டேட் கதாநாயகியாக இருக்கிறார். நயந்தாராவை விட இளமையும், அழகும் கொழித்த பானுவை தாமிரபரணி படத்தில் அறிமுகப்படுத்தினார். ஆனால் பாவம் தாமிரபரனி தோல்விப்படமானது பானு காணாமல் போனார். இன்னொரு பக்கம் பானுவின் அப்பா கேட்ட அதிகப்படியான சம்பளத்தில் வாய்ப்புகளை எல்லாம் இழந்தார். இடையில் அப்பாவின் டார்ச்சர் தாங்க முடியாமல் ஒன்றிரண்டு படங்களில் உப்புக்கு சப்பாணி கதாபாத்திரங்களில் தலை காட்டியது பொண்ணு! ஆனால் அது எதுவும் வேலைக்கு ஆகவில்லை!

என்ன ஆச்சு இந்த அழகு மயிலுக்கு என்று போனைப் போட்டால், “ நீங்க போன் பண்ணின மூகூர்த்தமோ என்னவோ...என்னை அறிமுகப்படுத்தின ஹரி சாரே எனக்கு மறுபடியும் வாய்ப்புக் கொடுக்க சம்மதிச்சுருக்கார். இந்த முறை ஹரி சாரோட அசிஸ்டெண்ட் பாலாஜி இயக்க இருக்க படத்தை ஹரிசார்தான் தயாரிக்கப் போறார்.

அந்தப் படத்துல நான்தான் ஹீரோயின்னு சொல்லிட்டார். ஹீரோக்கள்கிட்ட பேச்சு வார்த்தை நடத்தி கிட்டு இருக்காங்க. யார் ஹீரோன்னு நான் சொல்ல முடியாது. அப்புறம் கௌதம் மேனன் சார் அசிஸ்டெண்ட் நாகராஜ் இயக்கப் போற அவரோட முதல் படத்துலயும் நான் தான் ஹீரோயின். இதுல அறிமுக ஹீரோதான். ஆனால் கதைதான் நிஜ ஹீரோ. விட்ட இடத்தை நிச்சயமா பிடிபேன்கிற நம்பிக்கை இருக்கு சார்” என்றவர் “நான் கொஞ்சம் தாமதாமா நடிக்க வந்திருக்கலாமோன்ணு இப்போ நினைக்கிறேன்.

தாமிரபரணியில அறிமுகம் ஆகும்போது நான் ஒன்பதாம் வகுப்பு படிச்சிட்டு இருந்தேன். எனக்கு அப்போ வழிகாட்ட ஆளே இல்லை. அந்த நேரத்தில்தான் என்னோட அப்பா தாறுமாறா சம்பளம் கேட்டு வந்த வாய்ப்பையெல்லாம் லூஸ் பண்ணிட்டார். அதுக்கு அப்புறம் வந்த வாய்ப்புகளும் கவர்ச்சியா இருந்தது. பட்டினி கிடந்தாலும் கிடப்பேனே தவிர, அப்படியெல்லாம் நடிக்க மாட்டேன்னு கண்டிப்பா சொல்லிட்டேன்.

ரொம்ப நாள் கழிச்சு, ஆர்.கே.சார் அழகர் மலையில் நடிக்கிற வாய்ப்பு கொடுத்தார். அப்புறம் எஸ்.ஏ.சி சார் வாய்ப்புக் கொடுத்தார். ஆனால் அது எதுவும் ஹீரோயின் ரொல்ஸ் கிடையாது. இந்த முறை நிச்சயமா நான் ஜெயிப்பேன்! ஏன் இப்போ ரொம்ப அடிப்பட்டுட்டேன்" என்று உண்மையை உடைக்கிறார் பானு! பானுவுக்கு தன்னோட அசிஸ்டெண்ட் இயக்குற படத்துல வாய்ப்பு வாங்கிக் கொடுத்த ஹரி, சிங்கம் 2ல சூர்யாவுக்கு ஜோடியா போட்டார் குறைஞ்சா போயிருவார்!?