ஹாலிவுட் சினிமாவுக்கு சூப்பர் ஹீரோ படங்கள் புதிதல்ல! ஆனால் தமிழ் சினிமாவுக்கு புதிது.
யுத்தம் செய் படத்தைத் தொடர்ந்து மிஷ்கின் இயக்கும் படம்தான் முகமுடி! குங்பூ தற்காப்புக் கலையை கதைக்களமாக்கி, அதன் பின்னனியில் ஒரு சூப்பர் ஹீரோ கதையை ஜனரஞ்சகமாக படமாக்கியிருக்கிறார் மிஷ்கின்.
இந்தப் படத்தில் சூப்பர் ஹீரோவாக நடித்திருப்பவர் ஜீவா! சூப்பர் ஹீரோ படமென்றால் ஹாலிவுட்டில் வெளியான ‘சூப்பர் மேன்’ ஸ்பைடர் மேன், ‘எக்ஸ் மேன்’ உட்பட பல படங்கள், உலக சினிமா ரசிகர்கள் மத்தியில் மிகவும் பிரபலம்! இந்தப் படங்களில் எல்லாம், ஹீரோ உடலில், இடுப்புக்கு கீழே அணியும் உள்ளாடையை மட்டும் அணிய வைத்து, பிளாஸ்டர் ஆஃப் பாரீஸ் என்ற பொருளை குழைத்து, உடல் முழுவதும் இரண்டு அங்குல அடர்த்திக்குப் பூசி, அது காய்ந்த சில நிமிடங்களில், ஹீரோவின் உடல் அமைப்பை அப்படியே துல்லியமாக மோல்ட் செய்வார்கள். பிறகு உடலோடு ஒட்டியது போல, கிடைத்த மோல்ட் அளவுக்கு, சூப்பர் மேன் உடையை டிசைன் செய்வார்கள். இந்த தொழில் நுட்பத்தை அப்படியே பின்பற்றி முகமூடி படத்தில் ஜீவாவுக்கும் சூப்பர் மேன் கதாபாத்திரத்திரதுக்கான உடையை இதே வழியில் சீன நாட்டின் கலைஞர்களை வைத்து டிசைன் செய்திருகிறார்கள்.
அதேபோல படத்தில் இடம்பெரும் குங்பூ சண்டைக்காட்களை ‘ எண்டர் தி டிராகன்’ படத்தில் புருஸ் லீயுடன் சண்றை போட்ட ‘டோனி லுங்’ என்ற ஹாலிவுட் சண்டைக் கலைஞரை வைத்து சண்டைக்காட்சிகளை அமைத்து இருக்கிறார்கள்! ஜீவாவின் திரைவாழ்க்கையில் இது முற்றிலும் புதிய பரிமாணம். “இந்தப் படத்துக்குப் பிறகு என்னை எல்லா குழந்தைகளும் முகமூடி மாமா என்றுதான் கூப்பிடப் போகிறார்கள்” என்று குஷியாகச் சொல்லும் ஜீவாவுக்கு, வரும் ஆகஸ்ட் 31-ஆம் தேதி மிக முக்கியமான நாளாக அமையப் போகிறது! காரணம் அன்று உலகம் முழுவதும் ‘முகமூடி’ ரிலீஸ்!
No comments:
Post a Comment