தீபிகா படுகோனேவால் தாமதமாகும் கோச்சடையான் வெளியீடு.

   நடிகர் ரஜினிகாந்த் நடிக்கும் கோச்சடையான் படமானது ரஜினி இரசிகர்களிடையே பெரும் எதிர்பார்ப்பிற்கு மத்தியில் உள்ளது.நடிகர் ரஜினிகாந்த் அவர்களுக்கு திடீரென ஏற்பட்ட உடல் சுகயீனம் காரணமாக சிங்கப்பூரில் சிகிச்சை பெற்று உடல் நலம் தேறிய பின்னர் அவர் நடிக்கும் முதல் படம் என்பதால் அவருடைய இரசிகர்களிடையே இப்படம் மிகுந்த எதிர்பார்ப்பை ஏற்படுத்தியுள்ளது.

ரஜினிகாந்தின் இளைய மகள் சௌந்தர்யா இயக்கத்திலும் இயக்குனர் ரவிகுமாரின் மேற்பார்வையிலும் தயாராகி வரும் கோச்சடையான் படம் வரும் தீபாவளி அன்று திரைக்கு வரும் என அறிவித்திருந்தனர்.

ஆனால் இப்போது நமக்கு கிடைத்த தகவலின் படி கோச்சடையான் வெளியாகுவது தாமதமாகலாம் எனத் தெரிகிறது.மேற்படி தாமதத்திற்கு காரணம் கோச்சடையான் படத்தில் ரஜினி ஜோடியாக நடிக்கும் தீபிகா படுகோனே தான் என செய்திகள் தெரிவிக்கின்றன.

அண்மையில் தமிழில் வெளியான சிறுத்தை படமானது பிரபுதேவா இயக்கத்தில் ரவுடி ரத்தோர் என்ற பெயரில் இந்தியில் வெளியாகியுள்ளது.இப்படமானது மிக பெரியளவில் வெற்றி பெற்றதை அடுத்து இப்படத்தில் நடித்த சோனாக்சி சின்காவின் மதிப்பு இந்தி சினிமா உலகில் அதிகரித்துள்ளது.இதேவேளை சோனாக்சி சிங்கா நடித்துக்கொண்டிருக்கும் சன் ஒப் சர்தார் படமானது வரும் தீபாவளிக்கு திரைக்கு வர உள்ளது.

தீபிக்காவோடு ஒப்பிடுகையில் சோனாக்சி சிங்காவிற்கு அதிக மதிப்பு இந்தி உலகில் இருப்பதால், மேற்படி கோச்சடையான் படத்தை இந்தியில் வெளியிடும்போது பாதிப்பு ஏற்படலாம் எனக் கருதியே மேற்படி கோச்சடையான் படத்தை வெளியிடுவதை பிற்போட்டுள்ளனர் இப்படக் குழுவினர்