செல்வராகவன் இயக்கிய படத்தினைப் பார்த்தால் காட்சிகள் ஒவ்வொன்றையும் கவனமாக செதுக்கி இருப்பார். பின்னணி இசையில் இருந்து, கேமரா கோணங்கள் வரை அவரது பங்களிப்பு இருக்கும்.
தற்போது ஆர்யா - அனுஷ்கா இணைப்பில் 'இரண்டாம் உலகம்' படத்தினை இயக்கி வருகிறார் செல்வராகவன். இருவருமே இரட்டை வேடங்களில் நடித்து வருகிறார்கள். முதல் முறையாக செல்வராகவன் படத்திற்கு ஹாரிஸ் ஜெயராஜ் இசையமைக்கிறார்.
இப்படத்தின் படப்பிடிப்பு ஜார்ஜியாவில் நடைபெற்று வருகிறது. இங்கு படப்பிடிப்பு நடைபெறும் முதல் தமிழ்ப்படம் இது தான்.
வேகமாக இரண்டாம் உலகத்தை படைத்து வரும் செல்வராகவன், படம் குறித்து " பலரும் இக்கதையை படமாக்க முடியாது.. வேண்டுமானால் அனிமேஷன் படமாக எடுங்கள் என சொன்னார்கள். ஆனால், நாங்கள் இதை படமாகத்தான் எடுக்கிறோம். படம் எடுக்க வேண்டுமென்றால் உங்கள் லட்சியத்தின் மீது நீங்கள் நம்பிக்கை வைத்து அதைத் தொடர வேண்டும். சில நேரம் ஏதேனும் தவறாகலாம். ஆனால், நீங்கள் செய்ய நினைத்ததை செய்து முடித்திருப்பீர்கள் " என்று தெரிவித்து இருக்கிறார்.
வெவ்வேறு படப்பிடிப்பு தளங்களை தேர்வு செய்ய உதவியாக இருக்கும் ஜார்ஜியா அரசு செல்வராகவனுக்கு ஒரு ஹெலிகாப்டர் வழங்கியுள்ளது.
No comments:
Post a Comment