'சகுனி கார்த்திதான் அடுத்த எம்.ஜி.ஆர்!'இப்படி ஒரு மேடையில் அவரை வைத்துக் கொண்டே ஒரு தியேட்டர் உரிமையாளர் சொல்ல, 'பத்த வச்சுட்டீயே பரட்டை'யானது அந்த ஏரியா. இந்த புகழ் வார்த்தையெல்லாம் கேட்டு ஏமாந்திராதீங்க கார்த்தி. ஒரு ஹீரோ அரசியலுக்கு வரணும்னா அவருக்கு எப்போதும் மக்களை பற்றிய அக்கறையும் சிந்தனையும் இருக்கணும். சினிமாவை பொறுத்தவரை நீங்க வசூல் ஹீரோ. அந்த சந்தோஷம் என்னைக்கும் நீடிக்கணும் என்று வாழ்த்தினார் தமிழ் திரைப்பட விநியோகஸ்தர் சங்க செயலாளர் கலைப்புலி சேகரன்.
நாலு படம் நல்லா ஓடுச்சுன்னா அவரை அரசியலுக்கு வான்னு அழைக்கிறதை இந்த மேடையோட நிறுத்திக்கணும் என்று சுத்தியலை ஒரே போடாக போட்டார் நடிகர் நாசர். இவ்வளவு களேபரத்துக்கும் காரணமான தியேட்டர் உரிமையாளர் யார் தெரியுமா? வடபழனி கமலா தியேட்டர் உரிமையாளர் சிதம்பரம் அவர்களின் புதல்வர் வள்ளியப்பன்.
1154 தியேட்டர்களில் படத்தை ரிலீஸ் செய்துவிட்டு, மூன்றே நாளில் தனது முந்தைய படமான சிறுத்தை ரெக்கார்டை முறியடித்த கார்த்தி, தேரை இழுத்து தெருவுல விட்டுட்டீங்களே... என்கிற மிரட்சி பார்வையோடு அமர்ந்திருந்தார் அதே மேடையில். கொஞ்சம் வெளிப்படையாகவே தனது படத்தை பற்றி பேச ஆரம்பித்த கார்த்தி, அங்கிருந்த நிருபர்கள் யாரும் எந்த கேள்வியும் கேட்டுவிட இடம் கொடுக்காதவாறு தனது பேச்சை முடித்தார்.
இந்த படம் தூள், முதல்வன் சாயலில் இருக்கும் என்றெல்லாம் ஆரம்பத்தில் நாங்க பேசினோம். அந்த படங்களின் சாயல் இருந்துட்டு போகட்டும். மக்கள் ரசிச்சா போதும் என்கிற முடிவுக்கு பிறகு வந்தோம் என்றார் வெளிப்படையாக. ஆந்திராவிலும் இப்படம் பெரிய வசூலை குவித்திருப்பதால், அங்கேயும் இப்படி ஒரு பிரஸ்மீட்டை கூட்டி வசூல் நிலவரத்தை பகிர்ந்து கொண்டாராம்.
நல்லவேளை, இவரை எம்ஜிஆராக்குகிற ஜால்ராக்கள் அங்கும் போகவில்லை. போயிருந்தால் அடுத்த என்.டி.ஆர் நீங்கதான்னு சொல்லி பீதிய கிளப்பியிருப்பாங்களோ?
No comments:
Post a Comment